Hydrebad mein Global Summit ki rounaq- 'Bharat Future City' mein International event

Telangana Global Summit 2025 

Hyderabad mein  'Telangana Global Summit' bade purjosh maahol me aaj (Monday) shuru huwi . December 8 aur 9 ko ye  international event manaya jaaraha hai. jisme desh-videsh se kai pramukh vyakti shaamil horahe hain.  Hyderabad ke paas bani  'Bharat Future City' mein Telangana sarkar iss summit ka aayojan kari hai.

Yeh summit do din tak chalegi, lekin uske baad bhi logon ke liye (public exhibition) Future City ko 10, 11 aur 12 December ko bhi khula rakha jayega. 

Telangana Global Summit ka maqsad kya hai? 

Telangana ke vikas lakshya  Vision 2047 ka hissa ke roop mein yeh global summit ayojit ki jaa rahi hai. Rajya sarkar ka target hai ki 2047 tak Telangana ki economy  3 trillion dollar  ban jaye. 

Is vision, planning aur progress ko duniya ke saamne rakhna hi iss summit ka uddeshya hai. Iske saath–saath desh aur videsh ke  global investors, industrialists, vibhinna companies ke representatives aur technical experts ka dhyan Telangana ki taraf kheechna Revanth sarkar ka maqsad hai.

Telangana Global Summit – Ek Development Platform 

Sarkar chahti hai ki yeh Global Summit ek shaktishali Investment aur Development Platform ban kar ubhrey.

Is event mein energy, green mobility, IT/semiconductors, health, education, tourism, agriculture, urban infrastructure, women entrepreneurship, startups aur social welfare jaise kai sectors par charcha hogi.

Presentations, policy dialogues aur panel discussions ke zariye Telangana ke liye ek  'samagra vikas disha' tay ki jayegi. Summit mein kul  27 special panel discussions (sessions) ayojit ki jaa rahi hain. Sarkar apni 2 saal ki progress, naye reforms aur future plans ko bhi is global summit ke madhyam se logon aur duniya ke saamne prastut karegi.