TOMCOM | UAE Aur Japan Mein Naukri Ka Sunhera Mauqa

TOMCOM : Telangana Overseas Manpower Company Limited (TOMCOM) ne UAE ke liye mukhtalif jobs ke interviews ka elan kiya hai. Ye  Rerecruitment drive February 24 aur 25 ko Hyderabad mein mun’aqid hogi. Ye muqami afraad ko behtar mustaqbil ki taraf le janay aur unke liye behtareen mauqe faraham karne ka ek ahem qadam hai.  Ye muhim Labour, Employment, Training aur Factories Department ke zeri-e-intizam chalayi ja rahi hai, jisme skilled aur semi-skilled afraad ko mulk se bahar naukri dilaane ka maqsad hai.  

UAE Jobs – Kon KonSi Vacancies Available Hain?  

TOMCOM ke zariye  UAE ke mukhtalif maqamat par naukri ka mauqa diya ja raha hai. Jo log in jobs ke liye apply karna chahte hain, unko neeche diye gaye criteria ko pura karna hoga.  

• Ceramic Caster :  iss Kaam ke liye Kam az kam 10th class pass hona zaroori hai. Iske ilawa 2 saal ka tajurba ya kisi ceramic centre se training certificate hona chahiye.
• Trainee Caster :  10th class pass afraad apply kar sakte hain.  
• Junior Process Operator : Iss post ke liye  ITI qualification zaroori hai.  

Umar ki had

18 se 40 saal ke darmiyan hone chahiye.  

Interviews Hyderabad Mein Kahan Honge?   

UAE ke jobs ke interviews TOMCOM Office, ITI Mallepally Campus, Vijayanagar Colony, Hyderabad mein 24 aur 25 February ko honge. Jo log apply karna chahte hain, wo apni updated resume neeche diye gaye email par bhej sakte hain:  

tomcom.resume@gmail.com

Agar aapko mazeed maloomat chahiye to neeche diye gaye numbers par rabta karein:  

Mobile : 94400 49937, 94400 49861, 94400 51452

Japan me bhi jobs   

TOMCOM sirf UAE ke liye hi nahi, balki Japan mein bhi mukhtalif naukriyon ke liye afraad ko tayar kar raha hai. Khaaskar  Nursing staff ke liye ek khaas program ka aghaaz kiya gaya hai.  jisme Telangana ke nurses ko  Japan mein jobs milengi. japan ki  Specified Skilled Workers (SSW) Scheme  ke tehat  TOMCOM Hyderabad ke nurses ko  training aur education faraham karega, jiske baad unko Japan ke health sector mein job milegi.  

TOMCOM Kya Hai?  

TOMCOM ek  Registered recruitment agency hai. jo Telangana ke  Labour, Employment, Training aur Factories Department ke zeri-e-intizam kaam kar rahi hai. Iska maqsad Telangana ke  skilled aur semi-skilled workers ko behtar mustaqbil ke liye mulk se bahar behtar mauqe faraham karna hai.  Agar aap bhi  UAE ya Japan mein naukri lena chahte hain, to ye moka haath se na jaane dein.