Srisailam Canal Tunnel Mein Shadeed Haadsa – kai Mazdoor Mutaasir

Srisailam Canal Tunnel : Telangana ke Nagarkurnool zila Amrabad mandal Domalapenta ke qareeb Srisailam Left Bank Canal (SLBC) tunnel mein ek shadeed haadsa pesh aaya. Tunnel ka chat takreeban teen meter tak gir gaya. lagbhag 6 mazdoor gir ke uss Malbe me phans gaye. aur kai mazdoor zakhmi halat me paaye gaye.

Sirisailam Canal Tunnel Roof ka kaam  4 Din Pehle hi Shuru  

Ye haadsa SLBC tunnel ke 14 kilometer mark par waqiya hua. Bahut arse ke baad, sirf 4 din pehle hi dobara construction ka kaam shuru kiya gaya tha. Jab ye waqiya hua, kai mazdoor wahan kaam kar rahe the. Kuch log halke zakhmo halat me nikalne mein kamiyab rahe.  lekin 6 mazdoor abhi bhi tunnel ke niche dabne ka andesha hai. Zakmi mazdooron ko fauran site management team ne qareebi hospital shift kiya gaya. jabke babqi mazdooron ko nikalne ke liye rescue operation shuru kar diya gaya.

Sirisailam Canal Hadse par Tahqiq Shuru 

Jaise hi ye khabar mili, Irrigation Department ke officials, engineers, aur rescue team foran site par pahuche aur haalat ka jaiza liya. Filhal, tunnel girne ki asal wajah maloom karne ke liye mukammal tahqiqat shuru ho chuki hai.

Sirisailam Canal Construction Mein Ghaltiyan  Par Sawaal

• Is haadse ke baad ek badi bahs shuru ho gayi hai – kya construction quality aur safety standards ka khayal rakha gaya tha?
•  Safety Protocols Ko Follow Kiya Gaya Tha?
• Kya tunnel ki mazbooti aur stability ko check kiya gaya tha?
• Kya mazdooron ki hifazat ke liye proper safety measures the?
• Kya construction dobara shuru karne se pehle koi technical inspection kiya gaya?
• Construction Material Mein Koi Kharabi Thi?
• Kya low-quality material ka istemal hua jo tunnel ki chhat girne ka sabab bana?
• Kya proper engineering aur support structure use kiya gaya tha?
•  Kya kaam jaldi-jaldi aur bina kisi mazbooti ke kiya gaya?

Emergency Rescue Operation  

Is waqt bachaav ka kaam jari hai aur rescue teams puri koshish kar rahi hain ke phanse hue mazdooron ko jald se jald nikaal sakein.Yeh agencies rescue operation mein masroof hain: Fire Department (Agnimapatak Dal),  Police aur Local Administration,  Army aur National Disaster Response Force (NDRF),  Rescue teams cranes, drilling machines aur heavy equipment ka istemal kar rahi hain taake tunnel ke giray hue matti aur patharon ko hata sakein. Iske ilawa special lights aur oxygen supply bhi provide ki gayi hai taake andar faza mutasir na ho.

Aage Kya Hoga? – Inquiry aur Investigation

Ye haadsa kaafi bada hai aur sarkar ne iski taftish ka hukm diya hai. Ab ye dekha jayega ke:  Is haadse ka zimmedar kaun hai? kya project management team aur engineers ki koi ghalti thi?  Mazdooron ki jaan-bachane ke liye pehle se koi intizam kyun nahi tha? Agar Irrigation Department ya construction company ki negligence sabit hoti hai, toh unke khilaf sakhth action liya ja sakta hai? jaise muqtalif  Sawalon par tahqeeq Shuruu kardi hai.