Tg govt to build Ratan Tata Road : Telangana hukumat ne Hyderabad mein mashhoor sanati shakhsiat (industrialist) Ratan Tata ke ek nai sadak (Road) banane ka faisla kiya hai. Yeh sadak, jo Greenfield Radial Road ke naam se pehchani jayegi, Outer Ring Road (ORR) ke Raviryala se shuru hokar proposed Regional Ring Road (RRR) ke Amanagal tak jaayegi, aur Future City ke raaste se guzregi. Is nai Road ka naam "Ratan Tata Road" rakha jayega.
Ratan Tata Road ki taamir me 4,030 Carode
Ratan Tata Memorial
Greenfield Radial Road ka taqreeban 4,030 Carode (crore) rupaye ka kharcha aaya
hai. Yeh sadak kul 41.50 kilometer lambi hogi. aur is kaam ko do marahil mein
takmeel kiya jayega.
· Pehla marhala: Is marhale mein, ORR ke
Raaviryala se Mir Khanpet tak 19.2 kilometer lambi sarrak banayi jayegi, jiske
liye 1,665 crore rupaye muqarrar kiye gaye hain.
· Doosra marhala: Is marhale mein, Mir
Khanpet (Future City) se RRR ke Amanagal tak 22.30 kilometer lambi sarrak
banayi jayegi, jiske liye 2,365 crore rupaye muqarrar kiye gaye hain.
Is project ki dekh bhaal
ki zimmedari Hyderabad Metropolitan Development Authority (HMDA) aur Hyderabad
Growth Corridor Limited (HGCL) ko di gayi hai. Project ke tenders ki process 28
February se shuru hogi, aur iske tafseelat HMDA ki official website par dastiyab
hongi.
Hyderabad mein Radial Roads
Hyderabad shaher mein
radial roads ka nizaam shahri traffic ko behtar banane mein aham kirdar ada
karta hai. Yeh sadaken Inner Ring Road aur Outer Ring Road ke darmiyan behtar
rabt faraham karti hain. HMDA ke mutabiq, kul 33 radial roads banayi jaayengi.
In sadakon ke mukammal hone ke baad, shaher mein traffic ka nizm behtar hoga.
Traffic masail ke hal ke liye iqdamat: Tg govt to build Ratan Tata Road
Regional Ring Road (RRR)
bhi Hyderabad shaher ko aas-paas ke ilaqon se milate hue shahri taraqqi mein
madadgar hogi. Yeh sadak taqreeban 340 kilometer lambi hogi aur mukhtalif
qoumi shahraon (NH 65, NH 44, NH 163, NH 765) ko aapas mein milayegi. Is se
shaher ke gird-o-nawaah ke azlaa (Districts) ko rabt milega aur traffic ke masail mein kami
aayegi.
Ratan Tata Road ka naam kyun?
Yeh sawal paida hota hai
ke is sadak ka naam Ratan Tata par kyun rakha gaya. Ratan Tata Bharat ke
mashhoor sanati shakhsiat hain, jin ka bharat ke sanati taraqqi mein aham
kirdar raha. Unho ne Tata Group ke zariye hazaron logon ko rozgaar faraham kiya.
Telangana mein Ratan Tata Road project mustaqbil mein riyasat ki maashi
surat-e-haal, tijarati sector, aur transport nizaam ke liye aham sabit hoga.
Tg govt to build Ratan Tata Road : Project ke faide
Is sadak ke zariye na
sirf shaher ki taraqqi hogi balki traffic ke masail bhi kam honge. Is ke ilawa,
sanati idaaron, tijarati sector, real estate, aur rozgaar ke moqayen mein izafa
hoga. Agar yeh project bar waqt mukammal hota hai, to yeh Hyderabad sheher ki
taraqqi mein mazeed madadgar sabit hoga.
Radial Roads ka tafseeli jaiza
Radial Roads ka mansuba
Hyderabad ke shahri infrastructure ko behtar banane ke liye tayar kiya gaya
hai. Yeh sarrakein Inner Ring Road aur Outer Ring Road ke darmiyan seedha rabt
faraham karti hain, jisse traffic ka bahao behtar hota hai aur logon ko aasani
se ek jagah se doosri jagah pohanchne mein madad milti hai.
Regional Ring Road (RRR) ka tafseeli jaiza
Regional Ring Road ka
mansuba Hyderabad ke gird ek aur daira banane ke liye hai, jo shaher ko
aas-paas ke ilaqon se milayega. Yeh sadak mukhtalif qoumi shahraon ko aapas
mein milayegi, jisse na sirf traffic ka bahao behtar hoga balki tijarati aur
sanati taraqqi mein bhi madad milegi.
Ratan Tata ki shakhsiat aur unka kirdar
Ratan Tata ne apni
zindagi Bharat ki sanati taraqqi ke liye waqf ki. Unho ne Tata Group ke zariye
na sirf Bharat mein balki duniya bhar mein apna naam banaya. Unki qiyadat mein,
Tata Group ne mukhtalif meydaanon mein taraqqi ki aur hazaron logon ko rozgaar faraham
kiya.
Ratan Tata Road ka mustaqbil par asar
Is sadak ke banne se
Hyderabad ki maashi surat-e-haal behtar hogi. Sanati aur tijarati idaaron ko
behtar transport facilities milengi, jisse unki paidawari salahiyat mein izafa
hoga. Is ke ilawa, logon ke liye naye rozgaar ke moqayen paida honge aur shaher
ki taraqqi mein tezi aayegi.
0 Comments