Ramzan Ke Rozon Ki Niyyat
Ramadan Mubarak 2025 : Ramzan mahina ek bohot bada fazilat wala mahina hai jo sirf ibadat aur taqwa ka dars deta hai. Is mahine me roze rakhna har Muslim par farz hai. jo ke ahkam-e-Ilahi ka ek hissa hai. Lekin kisi bhi amal ki qabooliyat uski niyyat par mabni hoti hai. Rozay ki niyyat ka bhi ek khaas maqam hai jo Quran aur Sahi Hadees se sabit hai.
Roze Ki Niyyat Aur Uski Ahmiyat
Islam me kisi bhi amal ki buniyad
niyyat par hoti hai. Jaise ke ek mashhoor Hadees hai:
"Innamal a’maalu
bin-niyyaat"
(Amaal ka dar-o-madaar sirf niyyat par hai)
(Sahih Bukhari: 1)
Dil me irada karne ko hi niyyat
kahte hain. Roze ki niyyat bhi ek zaroori amal hai. Lekin ye dilse kiya jaaye,
naake Zabaan se.
Quran Majeed Me Roze Ki Niyyat
Quran-e-Pak me Allah Ta’ala farmata
hai:
"Faman shahida minkumu
ash-shahra falyasumhu."
(Jo shakhs is mahine ko paaye to wo isme roza rakhe)
(Surah Al-Baqarah: 185)
Is ayat se ye wazeh hota hai ke jo
shakhs Ramzan ka mahina paaye, uske liye roza farz hai. Agar wo subah uth kar
sehri karta hai to ye bhi niyyat me shamil hai.
Quran Ki Roshni Mein Roze Ki Ahmiyat
Allah Ta'ala ne Quran Majeed mein
farmaya:
"Ya ayyuhallazeena aamanu
kutiba alaikumus siyamu kama kutiba alal lazeena min qablikum la'allakum
tattaqoon."
(Surah Al-Baqarah, Ayat 183)
Iska matlab hai:
“Ae Imaan walon! Tum par bhi roza farz kiya gaya hai, jaise tumse pehle logon
par farz kiya gaya the, taa keh tum taqwa ikhtiyar karo.”
Is ayat se saaf maloom hota hai ke
roza sirf ek ibadat hi nahi balke ek tareeqa hai jo insaan ke andar taqwa paida
karta hai. Roza insaan ki zindagi ko gunahon se door rakhta hai aur Allah ki
raza hasil karne ka zariya banta hai.
Allah Ta'ala ne ek aur jagah
farmaya:
"Shahru Ramadanal lazee unzila
fee hil Quran." (Surah Al-Baqarah, Ayat 185)
Yani Ramzan wo mahina hai jisme
Quran nazil kiya gaya. Yeh mahina sirf roza rakhne ka nahi, balki Quran ki
tilawat aur is par amal karne ka bhi hai.
.png)
.jpg)
0 Comments