Big Relief : H-1B visa Holders Ko Chhoot -America ne di Clarification| H-1B visa 2025

H-1B visa 2025 : America ke Department of Homeland Security (DHS) ne ek naya clarification jari kiya hai jisme bataya gaya hai  $100,000 H-1B visa fee sirf un logon par lagu hogi jo pehli baar visa ke liye apply kar rahe hain — yani ke jo abhi tak US ke bahar hain aur unke paas valid H-1B visa nahi hai.

 Jo log pehle se H-1B visa par America me kaam kar rahe hain, ya phir apna visa extend, renew ya status change karna chahte hain,  unhe yeh fee dene ki zarurat nahi hai.

H-1B visa 2025 :  Kisko Fee Deni Hogi Aur Kisko Nahi

 Naye rules ke mutabiq-  Jo log pehli baar H-1B visa ke liye  US ke bahar se apply kar rahe hain, unhe hi  $100,000 application fee deni padegi.  Jo log pehle se H-1B visa par kaam kar rahe hain,  unpar yeh rule lagu nahi hoga.  Jo applicants  F-1 student visa ya kisi aur visa se H-1B me switch kar rahe hain, unko bhi  is fee se chhoot di gayi hai.

 Agar koi H-1B worker apna  status change, amendment, ya extension apply karta hai to usse bhi yeh paisa nahi dena hoga.

DHS ne yeh bhi kaha hai ke  current H-1B visa holders par koi travel restriction nahi hoga  — matlab wo log America se bahar ja bhi sakte hain aur wapas aa bhi sakte hain bina kisi rukawat ke.

Clarification ke Peeche ka Background

Yeh clarification tab aaya jab  US Chamber of Commerce  ne Trump administration ke khilaf ek case file kiya tha. Chamber of Commerce, jo America ki sabse badi business organization hai, ne kaha ke yeh naya visa rule  “unlawful” hai aur isse  American companies ko nuksan hoga.

Court me diye gaye documents me kaha gaya ke agar yeh $100,000 fee lagu hoti hai to:

American companies ko apne skilled workers ke liye  zyada paisa kharch karna padega,

Ya phir unhe  kam skilled logon ko hire  karna padega, jisse unka business directly effect hoga.

Chamber of Commerce ne kaha ke Trump ka September 19 ka proclamation  “plainly unlawful” hai aur isse  America ke economic rivals ko fayda milega.

Dusre Groups ne bhi Challenge Kiya

Yeh is rule ke khilaf  dusra major legal challenge tha. Isse pehle October 3  ko kuch  unions, education professionals aur religious groups ne bhi Trump administration ke khilaf case file kiya tha, kehkar ke yeh decision unfair hai aur skilled immigrants ke liye barriers create karega.

Trump ka Statement –  Hire American Workers

 September me jab Trump ne yeh proclamation sign kiya tha to unhone kaha tha ke iska main aim hai  “Hire American Workers” ko promote karna.

Lekin proclamation ke baad bahut confusion paida ho gaya tha. Kai logon ne yeh samjha ke isse  existing H-1B visa holders bhi affect honge aur unhe wapas America aane me dikkat ho sakti hai.

H-1B visa 2025 : White House ka Spashtikaran

Is confusion ke baad White House ne  September 20 ko ek clarification diya. Unhone kaha- “Yeh ek one-time fee hai jo sirf naye visa applicants par lagu hogi, na ke renewal ya existing visa holders par.”

Yani agar aapka H-1B visa already active hai, ya aap extension ya amendment kar rahe hain, to aapko is naye fee rule ki chinta karne ki zarurat nahi.

Online Payment Link aur New Applicants ke Liye Process

Naye visa applicants ke liye DHS ne ek  official online payment link  bhi provide kiya hai, jahan se log $100,000 ki application fee jama kar sakte hain.

Yeh rule sirf  US ke bahar se naye petitions  par lagu hoga. Jinke paas pehle se valid H-1B visa hai un par iska koi asar nahi padega.

India ke Skilled Workers par Asar

Data ke mutabiq-India-born workers  ko 2024 me total approved H-1B visas ka  70% se zyada mila tha. Iska reason hai India se skilled professionals ka high number aur backlog of approvals.

Is clarification ke baad Indian tech professionals, software engineers aur students ko kaafi rahat mili hai, kyunki ab unke existing visas par koi extra charge nahi lagega.

 Business aur Immigration Experts ka Reaction

Immigration experts ne kaha ke DHS ka yeh clarification ek  “much-needed step” hai jisse market me panic kam hoga.

Tech companies jaise Google, Amazon, aur Microsoft jinke paas hazaron H-1B employees hain, unhone bhi is decision ka swagat kiya hai.

Ek tech lobby group ne kaha- “Yeh clarification prove karta hai ke US ab bhi skilled immigration ko support karta hai, aur naye rules ko samajhne me ab clarity aa gayi hai.”

 

Kya Future me H-1B System Badlega?

Experts ke hisab se Trump administration H-1B system ko  restructure karne ki koshish kar raha hai, taaki zyada jobs American citizens ke liye reserve ho sakein.

Lekin skilled labor ke shortage ki wajah se multinational companies ko ab bhi H-1B professionals ki zarurat hai. Isliye, policy me thoda tightening aayega lekin poora ban hona mushkil hai.

 

 H-1B visa 2025 : Pahle se Rahne waalon ko  Relief

Yeh naya clarification un sabhi H-1B workers ke liye ek relief hai jo pehle se America me kaam kar rahe hain. Unhe ab $100,000 ki additional fee dene ki koi zarurat nahi. Sirf naye applicants — jo pehli baar visa ke liye apply kar rahe hain aur abhi US ke bahar hain — unhe yeh paisa dena hoga.

Is decision se clear ho gaya hai ke  existing H-1B visa holders bilkul safe hain  aur wo bina kisi tension ke apna kaam aur travel jaari rakh sakte hain.