BuildNow: Nayi Imarat banane ‘Smart’ Permission.. Saara kaam AI hi kardega

BuildNow:  Agar Hyderabad, Warangal, Karimnagar ya Telangana mein kisi Shahar me Imararat Khadi karne ka (Building banane)  irada hai, toh pehle permission lena zaroori hai. Lekin yeh permission lena ek bada tension waala kaam hai. kabhi documents ka jhanjhat, aur kabhi system ki transparency pe sawaal uthta hai. Is douraan Permession aane me waqt lagjaata hai.is maslon ka hal nikaanle ke liye Telangana Hukumat ne ek naya aur advanced system launch kiya hai jiska naam ‘BuildNow’ hai.

 Artificial Intelligence ke Zariye Permission

Yeh ek AI-based (Artificial Intelligence) unified single-window system hai. jo building construction permissions ki kaarvai me fast aur transparent banayega. Ab is naye system kaise kaam karega, kya fayde honge, aur yeh purane tareeqe se behtar kaise hoga—sab kuch detail mein samajhte hain.

Ek Naya Smart System

Pehle jab bhi kisi ko building permission chahiye hoti thi, toh application process bahut lamba hota tha. Files ek department se dusre department tak ghoomti rehti thi, aur kabhi kabhi kuch departments ki wajah se delay ho jata tha. Is wajah se builders aur architects ko projects complete karne mein takleef hoti thi.

BuildNow system AI ka istemal karke poore process ko digital aur automated banayega. Matlab yeh AI software aapki request ko turant analyze karega, check karega ki sab documents complete hain ya nahi, aur phir permission jaldi issue kiya jayega. Pehle jo kaam mahine lagte the, woh ab kuch din ya ghanton mein ho sakta hai.

BuildNow Kaise Kaam Karega?

Ab tak, agar kisi ko naya building construct karna hota tha, toh unhe alag-alag departments se permissions leni padti thi jaise ki:

• Municipal Corporation
• Town Planning Authority
• Fire Safety Department
• Environment Clearance Board
• Water & Electricity Supply Departments

In sab departments ke alag-alag rules aur procedures hote the, jo process ko slow aur confusing bana dete the. Lekin ‘BuildNow’ ek centralized platform hai jisme yeh sabhi permissions ek jagah par mil jayengi.

AI ka role isme yeh hoga ki yeh software aapke submitted documents ko analyze karega aur bata dega ki koi kami hai ya nahi. Agar sab kuch sahi hai, toh turant permission mil jayegi, aur agar koi kami hai toh AI aapko suggestion bhi dega ki kya correct karna hai.

BuildNow : Key Features Aur Iske Fayde

 Fast Aur Transparent Process : Ab building permission ke liye mahine lagne ki zaroorat nahi. AI-based system request ko Fauri process karega aur agar sab kuch sahi hai toh jaldi se approval mil jayega. Pehle jo kaam 3-6 mahine lagte the, woh ab kuch dinon ya ghanton mein ho sakta hai.

Sabhi Permissions Ek Jagah Se : Jitne bhi approvals chahiye hote hain, woh sabhi ek single platform pe milenge. Matlab aapko alag-alag departments ke chakkar nahi kaatne padenge.

 Corruption Aur Manual Errors Ka ‘The End’

Pehle system manual tha, jisme files officers ke paas jati thi, aur kahi baar transparency nahi hoti thi. Lekin ab AI system bina kisi interference ke data analyze karega aur approval dega. Isse corruption aur nepotism bhi khatam ho jayega.

 Digital Tracking Aur Alerts

Agar aapne permission ke liye apply kiya hai, toh aapko har step ka real-time update milega. Matlab aapko pata rahega ki aapki file kis stage par hai, aur agar koi problem hai toh usko turant solve kar sakte hain.

 Architects Aur Builders Ke Liye Badi Asani

Is naye system se architects, engineers aur builders ka kaam bhi aasan ho jayega. Pehle inko har chhoti baat ke liye departments ke chakkar lagane padte the, lekin ab ek online platform se hi kaam ho jayega.