.png)
Hyderabad – Jubilee Hills assembly constituency me aane wale by-poll Telangana ki siyasat ko ek naye mod par le aaya hai. Yahan ab sirf Development aur welfare schemes ki baat nahi ho rahi — balki Politacal parties ek dusre se Muslim vote bank ke liye takra rahi hain.
Ye seat Hyderabad me bahot aham hai, jahan educated middle class ke saath-saath Muslim population bhi kaafi hai — aur wahi ban gaya hai is election ka deciding factor.
Congress : Revanth
Reddy ka Soft-Muslim Outreach
Telangana ke CM Revanth Reddy aur unki team ne Jubilee Hills ko ek “image seat” ke roop me target kiya hai. Revanth Reddy ne clear statement diya ke “Congress kisi community ke khilaf nahi, sab ke saath sarkar hai.”
Hyderabad ke Muslim dominated areas me special meetings aur outreach events rakhe gaye. Local Muslim leaders, ulema aur youth representatives ko involve kar ke “secular image” ko mazboot karne ki koshish kar rahe hain.
Congress ye bhi keh rahi hai ke “BRS sirf election ke time par minorities yaad karta hai, jabke humne schemes aur representation dono diye.”
BRS: “Old Relationship” aur Ground-Level Connect Bachane Ki Koshish
BRS ke liye ye seat sirf ek political contest nahi, balki identity preservation ka maamla ban gaya hai.
Party ke paas Hyderabad aur surrounding constituencies me Muslim vote base tha, jise wo ab Congress ke haath me jaane nahi dena chahti.
Is dauraan BRS ne Local Muslim corporators aur GHMC leaders ko activate kar rahi hai.
Apne campaign me “KCR ne Muslim community ke liye kya kiya” is par focused kar rahi hai — jaise Shaadi Mubarak, Minority Loans aur Residential Schools projects ka zikr.
Congress par accuse karna ke “Revanth Reddy ke old speeches anti-minority the” unhen Social media par Viral kar rahi hai.
BRS voters ke beech message de rahi hai ke “agar secular representation chahiye tho Congress nahi, BRS pe bharosa rakho.”
BJP: “Minority Appeasement” Narrative ke Saath Polarization Strategy
BJP Jubilee Hills me apni traditional line follow kar rahi hai — “development aur nationalism”.
Party openly minority outreach nahi kar rahi, balki apne base ko consolidate karne me lagi hai.
Apne campaign ke dauraan BJP kah rahi hai ke- BRS aur Congress dono sirf appeasement politics kar rahe hain. Hindu voters aur urban professionals ke liye BJP hi real alternative hai.
Digital campaign me emphasis diya ja raha hai “corruption-free governance aur equal opportunity” par.
Lekin indirectly, ye polarization environment create karta hai — jisse Muslim voters aur zyada unite ho kar ek taraf consolidate hote hain.
Voters’ Ground Mood:
Muslims Deciding Factor Banne Wale
Ye community education, business aur service sector me strong presence rakhti hai — aur election me ek decisive role play kar sakti hai.
Observers kya kahte hain?
Yahan Muslim voters fragmented nahi hain — wo usi party ke saath jayenge jise wo apna political safety aur representation ke liye behtar samjhenge. Abhi tak trends dekhne par lagta hai ke Congress aur BRS ke beech Muslim vote ke liye silent competition chal raha hai — BJP us narrative ko counter karke apne loyal base ko energize kar rahi hai.
Political analyst ka kehna hai ke — Jubilee Hills me Muslim voters koi single issue par nahi, balki ‘trust aur image’ ke base par vote karte hain. Yahan community educated aur aware hai — unhe sirf emotional slogans nahi chahiye, balki genuine representation.”
Jubilee Hills Ban Raha Hai Telangana Politics Ka Mood
Barometer
Jubilee Hills ka by-poll ye decide karega ke Telangana ki urban minority politics ka direction kya hoga.
Agar Muslim votes Congress ke saath consolidate hote hain to Revanth Reddy ke liye ye moral victory hogi.
Agar BRS apna base bacha leti hai, to KCR ke liye ye political comeback signal ho sakta hai.
Ek baat to tay hai — Jubilee Hills me siyasi khel ab vote se zyada “trust aur identity” par ladai ban gaya hai.
Muslim Vote Split — kya mumkin hai?
Ye population mostly urban, educated aur politically aware hai — matlab ye blindly vote nahi karti, candidate aur issue dono dekhkar vote karti hai.
Agar ye vote ek taraf concentrate ho gaya (maan lijiye Congress ya BRS me), to wahi party easily lead bana legi.
Lekin agar ye vote split hua — jaise kuch log Congress ko, kuch BRS ko aur kuch independent ke candidate ko — to teesri party (BJP) ko indirect benefit milta hai.
Congress ka Nuqsan Kyon Ho Sakta Hai?
Revanth Reddy ne kaafi outreach kiya hai Muslim community ke saath — lekin agar BRS kuch vote kheench leti hai tho Congress ka core minority vote dilute ho jata hai.
Matlab— Agar 30% Muslim vote me se sirf 15–17% hi Congress ko milta hai, aur baaqi 8–10% BRS ya independents me chala gaya to BJP ya BRS ke liye seat numerically open ho jati hai.
“Vote Retain Karne” Par BRS Ka Focus
BRS ke liye ye defensive battle hai. KCR aur party leaders purane Muslim base ko bachane ki koshish me hain — lekin agar wo vote Congress ke saath share ho gaya, to unka core GHMC zone me grip weak padta hai.
BRS ke paas rural aur semi-urban wards me support hai, lekin Jubilee Hills jaise elite aur minority mix areas me competition tough hai.
Agar Muslim vote split hua, to BRS aur Congress dono ka ground equal ho jata hai tho BJP beneficiary ban sakti hai.
BJP Ka Indirect
Benefit
BJP openly Muslim outreach nahi kar rahi, balki Hindu middle class aur urban professionals par focus kar rahi hai.
Aise me agar Muslim votes divide ho jaate hain, to BJP ke loyal voters consolidated rehte hain — jisse wo low margin victory achieve kar sakti hai.
Simple words me:
Jab opponents ke vote divide hote hain, tab chhota par stable vote bank jeet jata hai.
To agar Congress aur BRS dono Muslim votes ke liye ladhte rahe aur split ho gaya,
tho BJP 3-way contest me surprise winner ban sakti hai — chahe wo overall minority support bina bhi ho.
.png&description=Jubilee Hills By-Poll 2025: BJP ki Jeet Ka Raasta — Congress aur BRS ke Beech Muslim Vote Bank Ki Takkar ){kind=link}
0 Comments