SONU DADA ne Hatyar Daaldiye-Top Maoist Leader surrenders with 60 cadres ?

Maharashtra ke  Gadchiroli district se ek badi khabar saamne aayi hai — mashhoor Maoist leader  Mallojula Venugopal Rao, jise log  Sonu Dada ya  Bhupati ke naam se bhi jaante hain, ne reportedly apne 60 saathiyon ke saath security forces ke samne surrender kar diya hai.

Agar ye report sahi sabit hoti hai, to ye desh ke left-wing extremism (Maoist movement) ke liye ek bada aur naya mod sabit ho sakta hai. Ye surrender CPI (Maoist) jaise banned organization ke liye ek teekha jhatka  maana ja raha hai.

 

Gadchiroli mein kya huwa?

 Police sources ke mutabiq, Sonu Dada aur uske 60 cadres ne  Gadchiroli mein apne hathiyar daal diye aur  security forces ke samne apna samarpan kar diya. Ye area pichhle kai dashkon se  Maoist activities ka stronghold maana jata raha hai, jahan se kai saalon tak sarkari aur police operations chalaye gaye.

Reports kehta hai ke ye ek  “largest simultaneous surrender” hai jo ab tak ke Maoist movement ke itihaas mein hua hai. Agar ye baat officially confirm hoti hai, to ye CPI (Maoist) ke liye ek  historic setback hoga.

Police ki taraf se abhi tak official confirmation nahi

Abhi tak Maharashtra Police ne is incident par  koi official bayan nahi diya hai. Lekin local sources aur security agencies ke mutabiq, ye operation  Tuesday ke din anjaam diya gaya. Kuch reports ye bhi keh rahi hain ke Sonu Dada pichle kuch mahino se  security agencies ke touch mein tha, aur woh gradually surrender ke liye ready ho raha tha.

Top Maoist Leader surrenders : Movement par asar

Experts ke mutabiq, agar ye surrender confirm hota hai, to ye  Left-Wing Extremism  ke khilaf Bharat ke efforts ke liye ek  major turning point sabit hoga. Maoist movement jo kabhi desh ke kayi hisso mein faila hua tha — ab dheere-dheere kamzor padta ja raha hai.

Maharashtra ke Gadchiroli, Chhattisgarh aur Telangana ke kuch hisson mein Maoists ka influence abhi bhi hai. lekin sarkari operations aur surrender policies ne unka base kaafi had tak tod diya hai.

 

 Kaun hai Sonu Dada?

Sonu Dada, yaani Mallojula Venugopal Rao, ko CPI (Maoist) ke  central committee  ka ek senior leader maana jata tha. Usne kai saal tak organization ke operations ko  Andhra–Maharashtra border areas  mein lead kiya. Reports ke mutabiq, us par  multiple cases registered the aur woh  security agencies ke radar  par kai saalon se tha.

Top Maoist Leader surrenders : Ab kya huga?  

Agar Sonu Dada aur uske 60 cadres ka surrender officially confirm hota hai, to ye na sirf Maharashtra balki  poore desh ke Maoist network ke liye ek badi haar  hogi. Security forces ke liye ye ek moral victory hai, jabke Maoist movement ke liye ye ek naya challenge khada karta hai.

Ek waqt tha jab Gadchiroli Maoists ka gadh mana jata tha — ab wahi jagah unke samarpan ki gawah ban rahi hai.